اگر پجاریوں اور گرنتھیوں کی فکر ہے تو آتشی کابینہ میں تجویز پیش کریں

نئی دہلی، 31 دسمبر (ایجنسی) دہلی بھارتیہ جنتا پارٹی (بی جے پی) نے سابق وزیر اعلی اروند کیجریوال اور عام آدمی پارٹی (آپ) پر خوشامد کی سیاست کرنے کا الزام لگاتے ہوئے کہا ہے کہ اگر انہیں پجاریوں اور گرنتھیوں کی فکر ہے تو وزیر اعلیٰ آتشی اس بارے میں کابینہ میں تجویز پیش کریں اور اس سکیم کو فوری طور پر نافذ کریں۔نئی دہلی لوک سبھا سیٹ سے بھارتیہ جنتا پارٹی (بی جے پی) کی رکن پارلیمنٹ بانسوری سوراج نے آج یہاں نامہ نگاروں سے خطاب کرتے ہوئے کہا کہ مسٹر کیجریوال صرف انتخابی بیانات سے نہیں بلکہ انتخابی چالوں کے ساتھ عوام کے درمیان جا رہے ہیں۔ انہوں نے کہا کہ جو پجاریوں سے انتخابی وعدے کرنے سے پہلے ہی اماموں کو تنخواہیں ادا کر رہے ہیں، انہیں گزشتہ 17 ماہ کی تنخواہیں ادا کی جائیں۔ انہوں نے کہا کہ آج جب امام اپنی تنخواہ کے لیے ان کے گھر کے باہر احتجاج کرنے آئے تو ان کا مسئلہ حل کرنے کی بجائے ان کی سیکیورٹی پر مامور پنجاب پولیس نے انہیں ڈنڈوں سے نوازا۔بی جے پی کی لیڈر نے کہا کہ مسٹر کیجریوال، جو خوشامد کی سیاست کرتے ہیں، اماموں کو اعزازیہ دینے کا کہہ کر انہیں ٹال رہے ہیں۔ انہوں نے کہا کہ اگر انہیں پجاریوں اور گرنتھیوں کی فکر ہے تو فی الحال دہلی میں الیکشن نہیں ہیں اور نہ ہی انتخابی ضابطہ اخلاق نافذ ہوا ہے ۔ ایسے میں وزیر اعلیٰ آتشی کو کابینہ کی میٹنگ بلا کر ایک تجویز پیش کرنی چاہیے اور کابینہ سے منظوری لینے کے بعد اسے فوراً نافذ کرنا چاہیے ۔ انہوں نے کہا کہ لیکن مسٹر کیجریوال ایسا نہیں کریں گے ، وہ اسے صرف انتخابی دھوکہ دینا چاہتے ہیں۔انہوں نے کہا کہ گزشتہ 10 برسوں سے مذہب اور مذہبی مقامات کی توہین کرنے والے مسٹر کیجریوال کو انتخابات آتے ہی پجاریوں اور گرنتھیوں کی یاد آنے لگی۔