دہلی

نرملاسیتا رمن اسپین، پرتگال اور برازیل کے دورے پر

نئی دہلی 30 جون (ایجنسی) مرکزی وزیر خزانہ اور کارپوریٹ امور کی وزیر نرملا سیتا رمن بیرون ممالک کے دورے پر ہیں۔ خبر کے مطابق 30 جون سے 05 جولائی تک اسپین، پرتگال اور برازیل کے سرکاری دورے پر رہیں گی۔اس دوران وہ وزارت خزانہ کے شعبہ اقتصادی امور کے ہندوستانی وفد کی قیادت کریں گی۔ اسپین کے دورے پر وزیر خزانہ اقوام متحدہ کے زیر اہتمام ترقی کے لیے مالی اعانت سے متعلق چوتھی بین الاقوامی کانفرنس میں شرکت کریں گی اور ہندوستان کی جانب سے اپنا موقف رکھیں گی۔ وزیر خزانہ اسپین کے سیویل میں‘ کانفرنس کے نتائج سے نفاذ تک: پائیدار ترقی کے لیے نجی سرمائے کے امکانات کو کھولنا’ کے موضوع پر بین الاقوامی بزنس فورم لیڈرشپ سمٹ میں شرکت کریں گی اور کلیدی خطبہ دیں گی۔ اس دوران نرملا سیتا رمن جرمنی، پیرو اور نیوزی لینڈ کے سینئر وزراء اور یورپی انویسٹمنٹ بینک کے صدر سے ملاقات کریں گی۔ لزبن، پرتگال کے دورے پر وزیر خزانہ کی پرتگال کے ہم منصب وزیر خزانہ کے ساتھ دو طرفہ ملاقات متوقع ہے ۔ اس کے علاوہ وہ اہم سرمایہ کاروں اور ہندوستانی ڈائسپورا کے ارکان سے بھی بات چیت کریں گی۔ ریو ڈی جنیرو میں وزیر خزانہ ہندوستان کے گورنر کی حیثیت سے نیو ڈیولپمنٹ بینک (این ڈی بی) کی 10ویں سالانہ میٹنگ سے خطاب کریں گی اور برکس وزرائے خزانہ اور مرکزی بینک کے گورنروں کی میٹنگ (ایف ایم سی بی جی) میں بھی شرکت کریں گے ۔ این ڈی بی میٹنگوں کے ایک حصے کے طور پرنرملا سیتا رمن این ڈی بی کے فلیگ شپ گورنرز سیمینار کے دوران ‘‘گلوبل ساؤتھ کے لیے ایک پریمیئر ملٹی لیٹرل ڈیولپمنٹ بینک کی تعمیر’’ پر خطاب بھی کریں گی۔
این ڈی بی کے اجلاس کے موقع پر وزیر خزانہ برازیل، چین، انڈونیشیا اور روس کے اپنے ہم منصبوں کے ساتھ دو طرفہ میٹنگیں کریں گی۔

 

Related Articles

Leave a Reply

Your email address will not be published. Required fields are marked *

Back to top button